අන්තියෝකයේ ශුද්ධ වූ මාග්‍රට් මුනිවරිය

අද දින සුදුවර චරිතයෙන් ජූලි 20වන දිනට මංගල්‍යය යෙදෙන අන්තියෝකයේ ශුද්ධ වූ මාග්‍රට් මුනිවරිය ගැන කතා කරමු.
මෙතුමිය උපත ලැබුවා යැයි සලකනු ලබන්නේ ක්‍රිස්තු වර්ෂ 289 දී තුර්කියේ අන්තියෝක් නගරයේ දී ය. මෙතුමියගේ පියා මිථ්‍යාදෘෂ්ටික පූජකයෙකු වූ අතර පසුව මාග්‍රට් කිතු දහම වැළඳ ගත් නිසා ඇයව නිවසින් නෙරපා දැමුවේ ය.
ඇගේ රූපශ්‍රීයට ආකර්ශනය වු ඔලිබ්‍රියුස් නැමැත්තකු ඇයට කළ යෝජනාවක් ප්‍රතික්ෂේප කළ නිසා කිතුනුවකු යැයි චෝදනා නගා වධහිංසා පමුණුවා සිරගත කරන ලදී. ඇයව දියේ ගිල්වා සහ ගින්නෙන් පුළුස්සා මරා දැමීමට උත්සාහ කළ ද ආශ්චර්යමත් ලෙස එතුමිය එයින් මිදුණා ය. එම ආශ්චර්යමත් සිද්ධීන් දුටු බොහෝ දෙනෙක් තම සිත් වෙනස් කරගත් බව කියැවේ.
ක්‍රිස්තු වර්ෂ 304 දී ඇයගේ හිස ගසා මරා දමන ලදී. එතුමිය ගර්භනී මව්වරුන්ගේ ද දරු උපතේ ද මියැදෙන මිනිසුන්ගේද වකුගඩු රෝගීන්ගේ ද පිටුවහල් කරන ලද්දන් ගේ සහ බොරු චෝදනාවන්ට ලක්වූවන්ගේ ද නාම සාන්තුවරිය ලෙස සලකනු ලැබේ.

#StMargaretofAntioch #Prayforus
#Saintoftheday #RVASinhala

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!