FABC 2026: ජකාර්තා මහා සමුළුව සඳහා ශුද්ධෝත්තම පියතුමාගේ විශේෂ නියෝජිතයා ලෙස ඉන්දීය කාදිනල් ඔස්වල්ඩ් ග්රේෂස් හිමිපාණන් පත් කෙරේ.
FABC 2026: ජකාර්තා මහා සමුළුව සඳහා ශුද්ධෝත්තම පියතුමාගේ විශේෂ නියෝජිතයා ලෙස ඉන්දීය කාදිනල් ඔස්වල්ඩ් ග්රේෂස් හිමිපාණන් පත් කෙරේ.
XIV ලියෝ ශුද්ධෝත්තම පියතුමා, 2026 ජූලි 20 සිට 26 දක්වා ඉන්දුනීසියාවේ ජකාර්තා නුවරදී පැවැත්වෙන ආසියානු රදගුරු සම්මේලනයේ (FABC) 12 වන මහා සමුළුව සඳහා තම විශේෂ නියෝජිතයා ලෙස ඉන්දියාවේ බටහිර ප්රදේශයේ බොම්බායේ (මුම්බායි) විශ්රාමික අගරදගුරු කාදිනල් ඔස්වල්ඩ් ග්රේෂස් හිමිපාණන් පත් කර තිබේ.
කාදිනල් ග්රේෂස් වෙත යොමු කළ ලිපියකින් ශුද්ධෝත්තම පියතුමා, ආසියාවේ සභාව තවදුරටත් වර්ධනය වෙමින් ක්රිස්තියානි ඇදහිල්ලට සාක්ෂි දැරීමත්, මානව ගරුත්වය ප්රවර්ධනය කිරීමත් සිය මෙහෙවර ලෙස අඛණ්ඩව ඉටු කරනු ඇතැයි තම බලාපොරොත්තුව ප්රකාශ කර ඇත.
අද ලෝකයේ යථාර්ථය සමඟ ගමන් කරන සභාවක්
ආසියානු සභාවේ මෙහෙවර පිළිබඳ මෙනෙහි කරමින් XIV ලියෝ ශුද්ධෝත්තම පියතුමා, රදගුරුවරුන්ට සහ විශ්වාසීන්ට අද සමාජයේ යථාර්ථයන් සමඟ ධෛර්යයෙන් යුතුව සම්බන්ධ වන ලෙස ආරාධනා කළේය.
"වර්තමානයේ සේවය කිරීමේදී ඔබගේ දෑත් අපිරිසිදු කරගැනීමට බිය නොවන්න," යැයි ශුද්ධෝත්තම පියතුමා සඳහන් කරමින්, මානව වර්ගයා මුහුණ දෙන අභියෝගවලට යාච්ඤාවෙන්, ප්රඥාවෙන් සහ නොපසුබට උත්සාහයෙන් ප්රතිචාර දැක්වීමට සභාව කැඳවීය.
සභාවේ සියලු ක්රියාකාරකම්වල කේන්ද්රස්ථානයේ දෙවියන් වහන්සේ සිටිය යුතු අතර, සියලු තීරණවල හදවතේ මිනිසා සිටිය යුතු බවද ශුද්ධෝත්තම පියතුමා අවධාරණය කළේය.
විශේෂයෙන් දුප්පතුන්, රෝගීන්, සංක්රමණිකයන්, දරුවන් සහ සමාජයේ අන්තයට තල්ලු වූවන් වඩාත් සාධාරණ සහ කරුණාවන්ත සමාජයක් ගොඩනැඟීමේ මධ්යස්ථානයේ සිටිය යුතු බවද උන්වහන්සේ පෙන්වා දුන්හ.
ගීතාවලිය 85:11 උපුටා දක්වමින්, "ප්රේමය සහ සත්යය හමුවන, යුක්තිය සහ සාමය සිපගන්නා" ලෝකයක් ගොඩනැඟීම සඳහා සභාව කැපවිය යුතු බවද ශුද්ධෝත්තම පියතුමා සඳහන් කළේය.
"බාබෙල් කොත් නොව, එකමුතුකමේ පාලම්"
සභාව බෙදීම් හෝ පෞද්ගලික අභිලාෂයන් මත නොව, එකමුතුකම ගොඩනඟන ප්රජාවක් විය යුතු බවද ශුද්ධෝත්තම පියතුමා සිය ලිපියෙන් අවධාරණය කර තිබේ.
"අප මේ යුගයේ බාබෙල් නගරයේ නිර්මාණකරුවන් නොව, එකමුතුකම ගොඩනඟන්නන් විය යුතුය. විනාශයට නියමිත කුලුනු ඉදිකරන්නන් නොව, පැමිණෙන දෙවියන් වහන්සේගේ රාජ්යයේ සේවකයන් විය යුතුය," යැයි උන්වහන්සේ ප්රකාශ කළහ.
ආසියාවේ සභාවට කැප වූ නායකයෙක්
2006 සිට 2025 දක්වා ඉන්දියාවේ බොම්බායි අගරදගුරු ලෙස සේවය කළ කාදිනල් ඔස්වල්ඩ් ග්රේෂස් හිමිපාණන්, ආසියාවේ සභාවට සහ විශ්ව සභාවට කළ සුවිශේෂී සේවාව වෙනුවෙන් ජාත්යන්තර පිළිගැනීමක් හිමිකරගෙන සිටී.
ඔහු මීට පෙර ඉන්දීය කතෝලික රදගුරු සම්මේලනයේ සභාපතිවරයා ලෙසද, වතිකානයේ ප්රධාන උපදේශක මණ්ඩල කිහිපයක සාමාජිකයෙකු ලෙසද සේවය කර ඇත.
ශුද්ධෝත්තම පියතුමාගේ විශේෂ නියෝජිතයා ලෙස, කාදිනල් ග්රේෂස් ජකාර්තාහි පැවැත්වෙන FABC මහා සමුළුවේ ප්රධාන දිව්ය පූජා මෙහෙයවනු ඇති අතර, ආසියාව පුරා සිටින රදගුරුවරුන්, පූජකවරුන්, ආගමික කැපවූවන් සහ ගිහි විශ්වාසීන් වෙත XIV ලියෝ ශුද්ධෝත්තම පියතුමාගේ සුබපැතුම් සහ සමීපත්වය ද රැගෙන එනු ඇත.
“සංගමනශීලී පරිවර්තනයට කැඳවීම සහ ආසියාවේ පාලම් හා පාලම් තනන්නන් වීමේ මෙහෙවර” යන තේමාව යටතේ පැවැත්වෙන FABC 12 වන මහා සමුළුව, ආසියාවේ සභාව තුළ එකමුතුකම, සංවාදය සහ ධර්මදූත මෙහෙවර තවදුරටත් ශක්තිමත් කිරීම අරමුණු කර ගනිමින් රටවල් රැසක රදගුරුවරුන් එකම වේදිකාවකට එක්කරනු ඇත.
#FABC2026 #FABC #CardinalOswaldGracias #PopeLeoXIV #ChurchInAsia #SynodalConversion #BridgeBuilders #Jakarta2026 #CatholicChurch #RVASinhala #RadioVeritasAsia #CatholicNews
