ස්වර්ගස්ථ ආචාර්ය ගරු කැමිලස් ප්රනාන්දු පියතුමා සමාදානයේ සැතපේවා!
ස්වර්ගස්ථ ආචාර්ය ගරු කැමිලස් ප්රනාන්දු පියතුමාගේ දේහය පිළිබඳ අවසන් කටයුතු සිදුවන ආකාරය
දේහය 2026 අප්රේල් මස 20 වන සඳුදා දින උදෑසන 8.00 සිට කොළඹ අගරදගුරු මැඳුරු දේවස්ථානයේ තැන්පත් කර තැබේ.
2026 අප්රේල් මස 21 වන අඟහරුවාදා දින දේහය කළුතර සිරි කුරුස විද්යාලය වෙත ගෙන යන අතර එදින දහවල් 12.30 දක්වා එහි තැන්පත් කර තැබේ.
ඉන්පසු පයාගල ශාන්ත මරියා දේවස්ථානය වෙත ගෙන දේහය බදාදා සවස 3.00 දක්වා එහි තැන්පත් කර තැබෙන අතර
සවස 3.00 අති උතුම් මැල්කම් කාදිනල් රංජිත් හිමිපාණන්ගේ ප්රධානත්වයෙන් දිව්ය පුජාව පවත්වා, එම දේවස්ථාන සුසාන භූමියේ දී අවසන් කටයුතු සිදුකෙරේ.
1963 ජුනි මස 5 වන දින පයාගල දී උපත ලබන පියතුමා මුලික අධ්යාපනය ලබන්නේ කුඩා පයාගල රෝමානු කතෝලික විද්යාලයෙනි. පසුව කළුතර මහා විද්යාලයෙන් අධ්යාපනය උසස් අධ්යාපනය හදාරන පියතුමා 1982 දී බොරැල්ල ශා. ඇලෝෂියස් කනිටු දෙව්සත්හලට ඇතුළත් විය. මහනුවර ජාතික දෙව්සත්හලෙන් පූජක පුහුණුව අවසන් කරන පියතුමා 1992 දී පූජාත්වරය ලැබීය. පසුව රාගම, දළුගම, මාලිගාවත්ත, කලංගම මීසම්හි මීසම් සේවක පියතුමා ලෙසද, කළුතර සිරි කුරුස විද්යාලයේ අධ්යක්ෂ පියතුමා ලෙස ද, මහනුවර ජාතික දෙව්සත්හලේ අඳුරු මඬුල්ලේ සාමාජිකයෙකු ලෙසද, බොරැල්ල කණිටු දෙව්සත්හලේ අධ්යක්ෂ පියතුමා ලෙසද, බී. සී. අයි කිතුණු විශ්ව විද්යාල පීඨයේ උප කුලපතිවරයාද ලෙස ද කටයුතු කළේ ය.
ආචාර්ය කැමිලස් ප්රනාන්දු පියතුමා කොළඹ කතෝලික මුද්රණාලය භාරව සිටි අතර “ඥානාර්ථ ප්රදීපය,” Messenger ,” සහ “ඥානෝලී ” වැනි කතෝලික ප්රකාශනවල කැපී පෙනෙන කර්තෘවරයෙකු වූ අතර, වචනවල බලය භාවිතා කරමින් මිනිසුන් තුළ ඇදහිල්ල, සත්යය සහ බලාපොරොත්තුව පතුරුවා හැරියේය. එතුමා ගීත ගායනටද සුරුවෙකි. එබැවින් ගීත ඇල්බම දෙකක් ද නිකුත් කර ඇති අතර අධ්යාපනය පිළිබඳව ග්රන්ථ 5 රචනා කර තිබේ. උන්වහන්සේ 2026 අප්රේල් මස 19 දින ඉරුදින ස්වර්ගස්ථ විය.
#RIP #FrCamillusFernando
#RVASinhala
