වෙරිටාස් ආසියානු ගුවන් විදුලියේ සිංහල සේවයේ "වෙරිටාස් දිනය '24" ජාතික කතෝලික ජනසන්නිවේදන කොමිසමේ සභාපති උතුම් මැක්ස්වෙල් සිල්වා රදගුරු හිමිපාණන්, වෙරිටාස් ආසියානු ගුවන්විදුලියේ සාමාන්‍යාධිකාරී අතිගරු වික්ටර් සදායා පියතුමන්, වෙරිටාස් ආසියානු ගුවන්විදුලියේ සහකාර වැඩසටහන් අධ්‍යක්ෂිකා අර්ලින් ඩොනබර් මහත්මිය සහ මහා සංඝරත්නය ප්‍රමුඛ සර්වාගමික නායකයින් ඇතුළු සම්භාවනීය අමුත්තන් රැසකගේ ප්‍රධානත්වයෙන් පසුගිය අගෝස්තු 31 වැනි සෙනසුරාදා දින ශ්‍රී ලංකා පදනම් ආයතනයේදී පැවැත්විණ.
ශ්‍රී ලංකා රූපවාහිනී සංස්ථාවේ නියෝජ්‍ය අධ්‍යක්ෂ ජෙනරාල්, ප්‍රවීණ ගීත රචක සහ මාධ්‍යවේදී නිලාර් එන්. කාසිම් මහතා මුඛ්‍ය දේශනය පැවැත් වූ අතර කුරුඳුවත්ත, සාන්ත බ්‍රිජට් කන්‍යාරාමයේ සිසුවියන්, බම්බලපිටිය, සාන්ත පීතර විදුහලේ සිසුන්, අල්ගම කලායතනයේ සහ හංසනී කලායතනයේ අංග වලින් උත්සවය හැඩ ගැන්විණ.
