මන්නාරම රදගුරු පදවියේ නව රදගුරු හිමිපාණන් වන අති උතුම් අන්තෝනිපිල්ලෙයි ඥානප්‍රගාසම් රදගුරු හිමිපාණන්ගේ රදගුරු අභිෂේකය හෙට... (2025 පෙබරවාරි 22)
අති උතුම් අන්තෝනිපිල්ලෙයි ඥානප්‍රගාසම් හිමිපාණෝ ( 2024ක් වූ දෙසැම්බර් මස 14 වන දින සිට අද දක්වා )
මෙතුමෝ 1965 ජූලි මස 12 වන දින මන්නාරම රදගුරු පදවියේ අඩම්පන් හි උපත ලැබූ අතර යාපනයේ ශා. ප්‍රැන්සිස් සේවියර් ජේෂ්ඨ දෙව්සත්හලෙන් දර්ශනය සහ දේවධර්මය හදාරා 1994 අප්‍රේල් මස 07 වන දින මන්නාරම රදගුරු වසම සඳහා පුජාප්‍රසාදීතුමකු ලෙස එවකට මන්නාරම රදගුරු අති උතුම් රායප්පු ජෝශප් හිමිපාණන් අතින් පුජක වරම් ලැබීය.
පුදැදුරුවරම් ලැබීමෙන් පසු, මෙතුමෝ මුරුන්කන් හි මීසම් සේවක (1994-1996), මන්නාරම රදගුරු අති උතුම් රායප්පු ජෝශප් හිමිපාණන්ගේ ලේකම් පුජාප්‍රසාදීතුමා (1996-1999), චෙට්ටිකුලම් හි මීසම් සේවක (1999-2003), පල්ලිමුනෙයි හි මීසම් සේවක (2003-2006), වන්කාලෙයි හි මීසම් සේවක (2006-2009), මන්නාරම රදගුරු පදවියේ කුඩා දෙව්සත්හලේ අධ්‍යක්‍ෂක පුජාප්‍රසාදීතුමා (2014-2018) සහ ශා. සෙබස්තියන් ආසන දෙව්මැදුරේ හි මීසම් සේවක (2018-2021) සහ පේසාලෙයි හි මීසම් සේවක (2021-2023) යන තනතුරු දැරීය. 2010 - 2014 අතර කාලයේදී ඇමරිකා එක්සත් ජනපදයේ නිව්යෝර්ක් හි ෆෝර්ඩ්හැම් විශ්ව විද්‍යාලයෙන් ආගමික අධ්‍යාපනය පිළිබඳ උපාධියක් ලබා ඇති මෙතුමෝ පසු ඉන්දියාවේ තරුණ සේවාව සහ එඩේරික දේවධර්මය පිළිබඳ පාඨමාලාවකට 2022 වසරේදී සහභාගී වී ඇත. 2023 වසරේ සිට මෙතුමෝ මන්නාරමේ මරුද මඩු අප ස්වාමිදූගේ ජාතික සිද්ධස්ථානයේ පරිපාලක ලෙස සේවය කරන ලදී.
“අති උතුම් ඥානප්‍රගාසම් ඇන්තනිපිල්ලේ හිමිපාණෙනි,
ලාංකේය රදගුරු වංශාවලියේ අට වන රදගුරු වසම වන,
මන්නාරම රදගුරු වසමේ සිව් වන රදගුරුතුමන් ලෙස
දෙවිසමිඳාණන්ගේ සුවිශේෂී මෙහෙවරට ලැබු ඔබ හට,
ත්‍රිඑක සමිඳු රැකවරණින්ද,
පදවි නාමසාන්තුවරිය වන මරුද මඩු හි ජපමාල රාජේශ්වරියගේ ද,
ලංකා අපෝස්තුළුවර ශු. ජුසේ වාස් මුනිඳුන්ගේ යැදුම් මධ්‍යස්ථිය තුළ
නිදුක් නිරෝගී සුවසම්පත ලැබ
වේද සාක්ෂිවරයින්ගේ රුධිරයෙන් නැහැවුණු මන්නාරමේ දේවජනතාව
සමිඳුන් කරා රැගෙන යන්නට වරම් ලැබේවා.....
ජේසු ක්‍රිස්තු ආරාධිත වේවා..........”
සටහන - අසේල දසනායක
#Mannar #NewBishop #EpiscopalConcecration
#RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
