කොළඹ අගරදගුරු පදවි විශ්‍රාමික සහයක රදගුරු අති උතුම් මේරියස් පීරිස් හිමිපාණන් සගසුව දිනයි.
කොළඹ අගරදගුරු පදවි විශ්‍රාමික සහයක රදගුරු අති උතුම් මේරියස් පීරිස් හිමිපාණන් සගසුව දිනයි.
විශ්‍රාමික කොළඹ සහයක රදගුරු , අතිඋතුම් මේරියස් පීරිස් හිමිපාණන්ගේ දේහය බොරැල්ල අගරදගුරු මැදුරේ දිව්‍ය හෘදයේ දෙව්මැදුරේ දි මැයි 16 දින උදෑසන 9 සිට මැයි 17 උදෑසන 11 දක්වා තැන්පත් කර. එදින උදෑසන 11 ට රදගුරු හිමිපාණන්ගේ ග්‍රාමය, එනම් කටුකුරුන්ද සා. මරියා දේවස්ථානයට රැගෙන මැයි 17 සවස 3.00දක්වා මහජනතාවට , උන්වහන්සේට අවසන් ගෞරවය සිදු කිරිමට අවස්ථාව සලසා දෙයි.
18 වන සෙනසුරාදා සවස 3 ට රදගුරු හිමිපාණන්ලාගේ ප්‍රධානත්වයෙන් දේව මෙහෙය සිදු කර, කටුකුරුන්ද සුසාන භුමියෙදි අවසන් කටයුතු සිදු කරනු ලබයි.
අති උතුම් වින්සන්ට් මේරියස් ජෝශප් පීරිස් සහයක රදගුරු හිමිපාණන් 1941 ඔක්තෝබර් 11 වැනිදා මොරටුව කටුකුරුන්දේදී උපත ලැබීය. 1972 ජනවාරි 25 වැනි දින පූජකවරයෙකු ලෙස පැවිදි වූ අතර, 2001 පෙබරවාරි 3 වන දින දෙවන ජුවාම් පාවුළු පාප් වහන්සේ විසින් ඔහුව කොළඹ අගරදගුරු පදවි සහායක රදගුරුවරයා ලෙස පත් කරන ලද අතර විවිධ තනතුරු හෙබවූ ඔහු, කතෝලික ජාතික ජනසන්නිවේදනය කොමිසමේ සභාපතිවරයා ලෙසද සේවය කර ඇත. 2018 අප්‍රේල් 04 වන දින රාජකාරී කටයුතු වලින් විශ්‍රාම ලත් උන්වහන්සේ සග සුව දිනන විට 83 වැනි වියෙහි පසුවිය.
එතුමන්ගේ ආත්මයට නිත්‍ය සැතපීම පතා යාච්ඤා කරමු.
