කාර්ලෝ ඇකියුටිස් සහ තවත් 14 දෙනෙකු ශාන්තුවරයට එසවීමට කාදිනල්වරු ඡන්දය ප්‍රකාශ කිරීමට සූදානම්
ශුද්ධෝත්තම ෆ්‍රැන්සිස් පාප් වහන්සේ ජුලි 1 වන දින සාමාන්‍ය පූජක සභාවක මුලසුන හොබවන අතර, රෝමයට පැමිණ සිටින කාදිනල්වරුන් භාග්‍යවරයට ඔසවන ලද 15 දෙනෙකු ශාන්තුවරයට එසවීම සඳහා අවසාන අවසරය ලබා දීමට සූදානම් වේ.
1860 ජූලි 9-10 රාත්‍රියේ, ප්‍රාදේශිය කිතුනුවන්ට එරෙහි අන්තවාදී නැගි සිටීමකදී සිරියාවේ ෆ්‍රැන්සිස්කන් කන්‍යාරාමයේදී ෆ්‍රැන්සිස්කානු තාපසවරුන් අට දෙනෙකු සහ ගිහි ක්‍රිස්තියානීන් තිදෙනෙකු ප්‍රාණපරිත්‍යාගී වූහ.
දැන්, XI පියුස් පාප් වහන්සේ ඔවුන්ව භාග්‍යවරයට පත් කිරීමෙන් වසර 100කට පමණ පසු, එමානුවෙල් රූයිස් සහ ඔහුගේ සගයන් වන ෆ්‍රැන්චෙස්කෝ, අබ්දෙල්-මූටි සහ රෆායෙල් මැසබ්කි යන පැවිදි සහෝදරයන් සාන්තුවරයෙන් එක් පියවරක් දුරින් සිටිති.
ජූලි 1 වන සඳුදා, ෆ්‍රැන්සිස් පාප් වහන්සේ සාමාන්‍යපූජක සභාවක මුලසුන හොබවන අතර එහිදී රෝමයට පැමිණ සිටින කාදිනල්වරුන් ඔවුන්ගේ ශාන්තුවරයට පත්වීම සඳහා විධිමත් අනුමැතිය ලබා දෙනු ඇතැයි අපේක්ෂා කෙරේ.
පළමු සහස්ර සාන්තුවරයා
පෙ.ව. 9ට පවත්වනු ලබන යාම යැදුමේදී, කාදිනල්වරුන් විසින් ආගමික නිකායන්වල ආරම්භකයින් තිදෙනෙකුගේ හේතු මෙන්ම, පළමු "සහස්ර" සාන්තුවරයා වීමට 15 හැවිරිදි වෙබ් නිර්මාණකරුවෙකු වන භාග්‍යවර කාර්ලෝ ඇකියුටිස්ගේ හේතු ද සලකා බලනු ඇත.
1991 දී උපත ලද කාර්ලෝ ඇකියුටිස්, 2006 දී ලියුකේමියාව හේතුවෙන් මිය යාමට පෙර ඔහු විසින් නිර්මාණය කරන ලද වෙබ් අඩවියක දිව්‍ය සත්ප්‍රසාද ප්‍රාතිහාර්ය හා මරියාණන් දර්ශනය වීම් ලැයිස්තුගත කරමින්, ඒ සඳහා ඔහුගේ භක්තිය ප්‍රසිද්ධියට පත් විය. භාග්‍යවර කාර්ලෝ කෙරෙහි ගැඹුරු භක්තියක් ඇති අයට ශාන්ත ෆ්‍රැන්සිස්ගේ නිවහන ලෙස ප්‍රසිද්ධ වූ අසීසියේ දී ඔහුගේ නොදිරූ සිරුර දැක බලා යැදුම් ඉදිරිපත් කළ හැකිය.
ආගමික නිකායන් ආරම්භකයින්
ආගමික නිකායන් නිර්මාතෘවරුන් තිදෙනාගෙන් දෙදෙනෙක් - ගුසෙප්පේ ඇලමානෝ පියතුමා සහ එලේනා ගුවේරා - ඉතාලි ජාතිකයන් වන අතර තුන්වැන්නා, මාරි-ලියෝනි පැරඩිස් කැනඩාවේ සිට ඇත.
1840 දී ප්‍රංශ භාෂාව කතා කරන ක්විබෙක් පළාතේ උපත ලද එලෝඩි පැරඩිස් (ඇගේ ආගමික නම මාරි-ලියෝනි) ප්‍රථම වරට ශුද්ධ වූ පවුලේ කුඩා සහෝදරියන් ආරම්භ කිරීමට පෙර ශුද්ධ වූ කුරුසයේ සහෝදරියන් සමඟ සම්බන්ධ වූ අතර, කැනඩාවේ අධ්‍යාපන ක්ෂේත්‍රයේ ගෘහස්ථ අවශ්‍යතා සඳහා කැප විය.
ගුසෙප්පේ ඇලමානෝ පියතුමා, කොන්සොලාටා මිෂනාරිවරුන් සහ කොන්සොලාටා මිෂනාරි සහෝදරියන්ගේ නිකායන් පිහිටුවන අතර, ඉතාලියේ ටියුරින් හි සැනසිලිදායක අප ස්වාමිදූගේ (Santuario della Madonna Consolata) සිද්ධස්ථානයේ ප්‍රධානියා ලෙසද සේවය කළේය. මිෂනාරිවරුන් සඳහා වාර්ෂික දිනයක් පිළිබඳ ඔහුගේ අදහස ඔහුගේ මරණයෙන් ටික කලකට පසුව, XI පියුස් පාප් වහන්සේ ලෝක ධර්මදූත දිනය ස්ථාපිත කිරීමත් සමඟ මල්ඵල ගැන්වීය.
ඉතාලියේ ලුකාහි උපත ලද එලේනා ගුවෙරා, ශුද්ධ වූ ත්‍රිත්වයේ තුන්වන පුද්ගලයා වන ශුද්ධාත්මයාණන් කෙරෙහි මහත් භක්තියක් ඇති කර ගත් අතර, ශුද්ධාත්මයාණන්ගේ පැවිදි නිකාය ආරම්භ කළාය. ඇගේ ජීවිත කාලය තුළ ඇය චීන සහ අප්‍රිකානු ගැහැණු ළමයින්ගේ අධ්‍යාපනය ගැන විශේෂයෙන් සැලකිලිමත් විය.
පූජක සභාව
ජුලි මාසයේ සාමාන්‍ය පූජක සභාවේ දී, රෝමයේ පදිංචිව සිටින හෝ ඒ වනවිට නගරයේ සිටින කාදිනල්වරුන් ඔවුන් වෙත ඉදිරිපත් කරන ලද හේතු පිළිබඳව විධිමත් ලෙස ඡන්දය ප්‍රකාශ කරන ලෙස ඉල්ලා සිටිනු ඇත.
සාන්තුවරභාවයට එසවීම උදෙසා හේතු පරික්ෂා කර බැලීම සඳහා හමුවන විශේෂ සභාව විසින් විවිධ අවස්ථා හොඳින් පරීක්‍ෂා කර අනුමත කර ඇති බැවින්, උත්සවය සාමාන්‍යයෙන් විධිමත් කටයුත්තකි. විවිධ ශාන්තුවරයන්ගේ දිනයන් නිවේදනය කිරීම කාදිනල්වරුන්ගේ ධනාත්මක ඡන්දය මත රඳා පවතී.
වතිකානු පුවත් ඇසුරිනි.
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
