පාස්කු ඉරිදා අද යි.
පාස්කු උත්සවය යනු ක්‍රිස්තුස් වහන්සේගේ මළවුන්ගෙන් උත්ථාන වීම සැමරීමයි. එය ඉරිදා දින සමරනු ලබන අතර, ශුද්ධ වූ සතියේ අවසානය, චතාරිකයේ අවසානය, “Paschal Triduum” හෙවත් “පාස්කු තෙදින වන්දනා මෙහෙය” (මහා බ්‍රහස්පතින්දා, මහා සිකුරාදා, ආලේලුයියා සෙනසුරාදා සහ පාස්කු ඉරිදා) අවසාන දිනය සනිටුහන් කරයි, සහ ජනවන්දනා වසරේ පාස්කු සමයේ ආරම්භය වේ.
බයිබලයේ නව ගිවිසුමේ සඳහන් පරිදි. මෙය කිතුනුවන්ගේ වැදගත්ම උත්සවයයි. ශුද්ධ ලියවිල්ලට අනුව, පාස්කු දෙවියන් වහන්සේ කිතුනුවන්ට නැවත නැඟිටීම හා නව ජීවන මාර්ගයක් සඳහා බලාපොරොත්තුවක් ලබා දෙයි, ක්‍රිස්තුස් වහන්සේ මළවුන්ගෙන් නැවත නැඟිටීම මඟින් එය නිරූපණය කරයි.
පාස්කු ඉරිදා, පාස්කු සමය ආරම්භ වන අතර එය දින පනහක් පවතින අතර එය පෙන්තකොස්ත ඉරිදායින් අවසන් වේ.
පාස්කු ඉරිදා ජංගම උත්සවයක් වන අතර එය සෑම වසරකම වෙනස් වේ. මෙයට හේතුව දිනය නියම කර ඇත්තේ සිවිල් දින දර්ශනයට අනුව නොව චන්ද්‍ර චක්‍ර මගින් පාලනය වන ජනවන්දනා වර්ෂයෙනි. මේ අනුව, පාස්කු ඉරිදා සෑම විටම උතුරු අර්ධගෝලයේ වසන්තයේ ආරම්භයෙන් පසු පළමු පුර පසළොස්වක පොහොය පසු වී සරත් සෘතුවේ පළමු ඉරුදින වැටේ. මෙලෙස පාස්කු ඉරිදා මාර්තු 22 සිට අප්‍රේල් 25 දක්වා පැවැත්විය හැකිය.
පාස්කු ඉරිදා දිනය සාමාන්‍යයෙන් ඉංග්‍රීසි භාෂාවෙන් හැදුන්වනුයේ Easter Sunday නමිනි. නමුත් ලංකාව පමණක් නොව පෘතුගීසි, ස්පාඤ්ඤය සහ ඉතාලි පාලනයට නතුවූ බොහෝ රටවල එම සෙනසුරාදාට පසුව එළබෙන ඉරිදා හැදින්වුයේ පාස්කු (Pasku) ඉරිදා යනුවෙනි. එය හෙබ්‍රෙව්, ලතින්, ග්‍රීක භාෂාවලින් විකාශනය වුවකි. ග්‍රීක asα (pasjua), හෙබ්‍රෙව් ach (pesach) අනුවර්තනයකි, එහි අර්ථය “එතෙර වීම” යන්නයි.
සමිඳාණන්ගේ මහිමාන්විත උත්ථානය අපට ලබා දෙන නව බලාපොරොත්තුව සමඟ අපිත් එතෙර වෙමු.
#EasterSunday #HolyWeek
#RVASinhala
