ආලේලූයියා සෙනසුරාදා අද යි.

ආලේලූයියා සෙනසුරාදා අද යි.

ඉංග්‍රීසි භාෂාවෙන් Holy Saturday ලෙස හදුන්වන මහ සිකුරාදාට පසු එළබෙන සෙනසුරාදා ලංකාවේ බොහෝ කතෝලිකයන් හදුන්වනුයේ 'ආලේලූයියා සෙනසුරාදා' යනුවෙනි. එය පෘතුගීසි භාෂාවෙන් බිදී ආවකි. පෘතුගීසි භාෂාවෙන් මහ සිකුරාදාට පසු එළබෙන සෙනසුරාදා හැදුන්වනුයේ 'Sábado de Aleluia' යනුවෙනි.

ආලේලූයියා සෙනසුරාදා සිදුවෙන වඩාත්ම අවධානය යොමුවන කටයුත්ත වනුවේ ආලේලූයියා සෙනසුරාදා මාධ්‍යම රාත්‍රී පුජාව සහ විදුලි ආලෝකය නිවා ජලය සහ ගින්දර ආශීර්වාද කරන කටයුත්තය. නත්තල් දින මධ්‍යම රාත්‍රියේ සිදුකරන දිව්‍ය මෙහෙයෙන් අනතුරුව ඉතාමත් ඉහල කිතුනු ජන සහභාගීතත්වයක් ඇතිව සිදුකරන විශාලතම මාධ්‍ය රාත්‍රී දේව මෙහෙය වන්නේ මෙයයි. එය ලෝකය නැවත ප්‍රතිනිර්මාණය වීමට නියමිත බව පසක් කරන්නකි.

ආලේලූයියා සෙනසුරාදා ඉටි පහනේ අර්ථයන්:

ආලෝකය - අදුර පරදවන ජේසුස් වහන්සේගේ ආලෝකය
ඇල්ෆා සහ ඔමේගා - ජේසුස් වහන්සේ ආරම්භයත් අවසානයත් වන සේක
ගින්දර - ජේසුස් වහන්සේගේ උත්ථානය
කුරුසිය - ජේසුස් වහන්සේ හා සදාකාලික ජීවිතය
ඇණ පහ - ජේසුස් වහන්සේගේ තුවාල
වර්ෂය - වර්තමාන වසර - දෙවිඳුන්ගේ සදාකාලික විසීම

ගින්දරින් සහ ජලයෙන් නැවත උපදින අපි, කිතු උත්ථානය සමඟ පාස්කුවට පා තබමු.

#HolySaturday #HolyWeek
#RVASinhala