අද මරියතුමියගේ නිර්මල හෘදයේ මංගල්‍යය යි.
ජනවන්දනා වසරේ ජේසුස් වහන්සේගේ දිව්‍ය හෘදයේ මංගල්ලය පවත්වනු ලබන්නේ ශුද්ධාත්ම ගමන මංගල්‍යයෙන් දින 19 කින් එසේ නොහොත් දිව්‍ය සත්ප්‍රසාද මංගල්‍යයෙන් පසු එන පළමු සිකුරාදා දිනයි. එම මංගල දිනට පසු දින වන සෙනසුරාදා දේවමාතාවන්ගේ නිර්මල හෘදයේ මංගල්‍යය පවත්වනු ලබනවා.
ඊයේ දින ජේසුස් වහන්සේගේ දිව්‍ය හෘදයේ මංගල්‍යය සැමරූ අපි, අද දින මරියතුමියගේ නිර්මල හෘදයේ මංගල්‍යය සමරනු ලබනවා. දෙව් මවුන්ගේ හදවත ද ජේසු සමිඳුන් ගේ හදවත හා එකිනෙකට සම්බන්ධව ඇති නිසා ජනවන්දනා වසර තුළ මේ මංගල්‍ය දෙකම එක ළඟ සැමරීමට ලැබේ.
අද සුවිශේෂය තුළ අපට ඇසුණු පරිදි දෙව් මවුන්ගේ හදවත ජේසු සමිඳාණන් නැති වීම තුළ මහත් වේදනාවට පත් වෙනවා. ඒ වේදනාව දරාගෙන ජේසු සමිඳාණන් හදවතින්ම සෙවීම තුළ මරියතුමියට සහ ජුසේ මුනිඳුන්ට ජේසු සමිඳාණන් හමුවෙනවා. එසේම අපගේ ජීවිතය තුළද ජේසු සමිඳුන් නැති වීමේ වාර අනන්තයි. අපගේම නොසැලකිලිමත්කම නිසා අන් අයගේ ක්‍රියා කලාපය තුළ ජේසු සමිඳුන් අප ජීවිතය තුළින් ඇති වී තිබෙන්නට පුළුවනි. එසේ නැති වූ අවස්ථාවේ දී දෙව්මවුන්ගේ නිර්මල හෘදයේ මැදිහත්කමින් තුළ ජේසු සමිඳුන් නැවත අප ජීවිත තුළට හමු වන්නට අවස්ථාව සැළසෙනවා. එය සිත් තුළ තබාගෙන අද දින පුරාවටම මෙන්ම ජීවිතය පුරාවටම මරියතුමිය මෙන් ජේසු සමිඳුන් හදවතින් සෙවීමට උත්සුක වෙමු. මරියාණන් සියල්ල සිත්හි නිදන් කර ගත්තා සේ අපට ද පියාණන් හා සම්බන්ධ වීමට අවශ්‍ය වරම් මරිය තුමිය ගෙන් යදිමු.
#ImmaculateHeartofMary #MotherMary
#Prayforus | #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
