මහළු දෙමව්පියන් සහ වැඩිහිටියන් සඳහා වන ලෝක දිනය 2022 ජූලි 24 ඉරිදා සමරනු ලැබේ.

මහළු දෙමව්පියන් සහ වැඩිහිටියන් සඳහා වන ලෝක දිනය 2022 ජූලි 24 ඉරිදා සමරනු ලැබේ.

මහළු දෙමව්පියන් සහ වැඩිහිටියන් සඳහා වන දෙවන ලෝක දිනය 2022 ජූලි 24 පසුගිය ඉරිදා සමරනු ලැබීය. එම අවස්ථාව සඳහා ශුද්ධෝත්තම පියතුමා විසින් තෝරා ගන්නා ලද තේමාව වන්නේ "වයස ගිය පසු පවා ඒවා පලදාව දෙන්නේ ය." (ගීතාවලිය 92:14) යන්නයි.

ෆ්‍රැන්සිස් පාප් වහන්සේ සිය නිල පණිවිඩයෙන්, “කිසිවෙකු අද දින තනිකමෙන් ජීවත් නොවන” බව සහතික කිරීම සඳහා මෙම දිනය සමරන ලෙස සැමට ආරාධනා කරයි.

ෆ්‍රැන්සිස් පාප් වහන්සේ ට්විටර් පණිවුඩයක් නිකුත් කරමින් කියා සිටියේ, “මහළු දෙමව්පියනි  සහ වැඩිහිටියනි, මුදු මොළොක් විප්ලවයේ ශිල්පීන් වීමට අපව කැඳවා ඇත! අප සතුව ඇති වටිනාම මෙවලම වන යාච්ඤාව සහ අප සතු දැනුම භාවිත කරමින් අපි එය ඉටු කරමු!

2022 මහළු දෙමව්පියන් සහ වැඩිහිටියන් සඳහා වූ ලෝක දිනය ගැන කතා කරමින්, ගිහි, පවුල සහ ජීවිතය සඳහා වන ප්‍රධානියා වන කෙවින් ෆැරල් කාදිනල් හිමිපාණන් සඳහන් කළේ, “මහළු දෙමව්පියන්ගේ සහ වැඩිහිටියන්ගේ ලෝක දිනය සමඟ, සමාජයේ සහ අපගේ ප්‍රජාවේ වැඩිහිටියන්ගේ අදාළතාව පිළිබඳව දැනුවත් වීමට ශුද්ධෝත්තම පියාණන් අපට ආරාධනා කරන බවයි. ”

අපෝස්තලික කාර්යාලය විසින් නිවේදනය කරන්නේ, අවශ්‍යතා ඇති හෝ දුෂ්කරතා ඇති (අසනීප, අතහැර දැමූ, ආබාධිත වැනි) වයෝවෘද්ධ සහෝදර සහෝදරියන් හමුවීමට ප්‍රමාණවත් කාලයක් කැප කරන ඇදහිලිවන්තයන්ට මෙම දිනය විශේෂයෙන් සමරන ලෙසයි.

විශ්වීය සභා දින දර්ශනයට මෙම දිනය ඇතුළත් කර, ලොව පුරා සැමරීමෙන් මහළු දෙමව්පියන්ට සහ වැඩිහිටියන්ට වැදගත් ජයග්‍රහණයක් වන අතර, ඔවුන්ට අපි සැම ආදරය කරන බවත්, ඔවුන් සමාජයට සහ සභාවට ලද ත්‍යාගයක් බවත් ඔවුන්ට සහතික වනු ඇත.

ෆ්‍රැන්සිස් පාප් වහන්සේ 2021 දී ජුලි මස හතරවන ඉරිදා, ජේසුස් වහන්සේගේ “ආච්චි සහ සීයා” වන ශාන්ත ජෝකිම් සහ ශාන්ත ආනා මුනිවරුන්ගේ මංගල්‍යය සමරමින් මහළු දෙමව්පියන් සහ වැඩිහිටියන් සඳහා වූ ලෝක දිනය සැමරීම කිතුනු සභාවේ ස්ථාපිත කරන ලදී.

#GrandParentsAndEldersDay #PopeFrancis #RVASinhala #RVANews